Train Me Safar Karte Hai to Samje Railway Ticket Ki Bhasha

3
1377

 

   

 

Aap train me safar karte hai to aapko uski ticket ke baarein me sab kuch pata hona chahiye ticket me Jo bhi likha hua hai uska matlab aapko pata  hona chahiye. Bahot sare log aese hote hai jo ticket leke travel Karte hai par unko uske baarein me kuch pata nahi hota ya thoda bahot hi hota hai.

Maan lijiye aap train me safar kar rahe hai or kisine knowledgeable person samaj ke ticket ke baarein me pucha or aapko uske baarein me koi jankari nahi hogi to aapka ser sharm se juk jayega.
Jo students everyday train me travel karte hai unko ticket or short forms ke baarein me jarur pata hona chahiye or Jo log jarurat ke hisaab se safar Karte hai unko bhi pata hona chahiye, to chaliye aaj hum ticket ke baarein me puri information lete hai.

Train Me Safar karte hai To Samje apni Railway Ticket ki Bhasha

Train ticket ko kaise samje puri jankari detail me
Apni Railway ticket ko samjna kitna jaruri hai ye aapko pata hi hoga, sayad aap janna chahte bhi honge par kisine bataya nahi hoga ya aapne puchne ki koshish nahi ki hogi.
Railway tickets me bahot sari aesi cheeze aati hai jo hume samjni chahiye hum sirf Train kaha se kaha ja rahi hai wo, ticket price, date or km dekhte hai but humko or bhi cheese dekhni chahiye.

 

1. PNR – Passenger Name Record ( पैसेंजर की पहचान )

Train ki Ticket me upper left side me PNR number hota hai jiska full from Pesenger Name Record hai. Ye das numbers ka Unique digit code hota hai. Agar aap first ac sleeper, first class none ac ya aapki ticket RAC ya waiting me hai to aap Apni ticket ka Status check kar sakte hai.

Yah ticket aapka hi hai or is par aaphi safar kar rahe hai ye in number se pata lagaya ja sakta hai. Rail ka ticket Since the non transferable hota hai so aapki ticket par Kisi or ko safar Karne ka adhikar nahi hai. Is tarah se ye number aapke or Railway ke liye jaruri hai.

 

   

Internet ya phone Kisi bhi way par aapko Yatra ki jankari PNR number sehi milegi so ise kahi likh le ya mobile me save kar le.
Ticket kho jane ki situation me yahi number aapki madad karega. PNR  number se aap train no, train name, Destination/location ki jankari, travel Class, Ticket ka status or coach or seat number ka pata kar sakte hai. Ticket status check Karne ke liye yaha click kare.

2. Route Information – ” Train Number ” रूट की पूरी जानकारी

Dosto Kya aapko pata hai aap train number ke jariye train kaha se aayi hai kaha kaha kitni minute tak rukegi or kaha janey wali hai aap puri Jankari le sakte hai, kuch log ye sochte hai to train number ka koi importance nahi bas ye ticket me aese hi diya jata hai but ticket me koi bhi cheez faltu nahi hoti guys.

Train number 5 digit ka hota hai or har number  Kuch na Kuch kahte hai. Railway department aapko thoda idea deta hai.

0 Number : Agar aapki ticket me train number ka first digit 0 hai to aap summer special, holiday special ya etc special me travel Karne waley hai.

1/2 Number : First digit 1 ya 2 hai to aap long route pe Jane waley hai ise rajdhani or century  train bhi saamil hai.

3 Number : 3 Number se Suru hone wala train number Kolkata ki local trains ka hota hai.

4 Number : Ye number metro city’s jaise Delhi, Chennai, sikandrabad ki rail suvidha ke liye hota hai.

5 Number : Ye number Paramparagat ( Stuffy ) trains ka hota hai.

6/7 Number : Six number memo or seven number demo Trains ke liye hai.

8/9 Number : Haal hi me reserve ki gayi trains ka number eight hota hai or Mumbai local trains nine number ki hoti hai.

Indian railway ke experts train number dekh ke hi pure route ki information de sakte hai.

3. Train Ticket Number – टिकट नंबर

Train ticket numbre in this pictures

Ticket number se jarurat padne pe ye pata lagaya ja sakta hai ki ye kaha se liya hai.
I- ticket me aapko ticket numbre milta hai uske sath sath journey date, places name etc hota hai. E – ticket me ticket numbre ke badle me transaction numbre diya hua hota hai or aapko yaha mobile numbre or pata bhi likhne ka option milta hai.

4. Aapki Yatra kaha tak hai

Aapne jaha se ticket li hai us jagah se aap jaha Jana chahte hai to us jagah ka name hoga jaise Ahemdabad JN  Delhi.

5. Aapka couch numbre dikhega

Aapko is jagah pe couch numbre najar aayega I mean yaha aapko journey ka class najar aayega.


 

6. Male ya female jaan sakte hai

Yaha se aapko pata chalega ki yatri male hai ya female. M ka matlab male or F ka matlab female hota hai.

7. Yatra ka Bhada

Aap Jo yatra kar rahe hai uska bhada is jagah dekh payenge.

8. Train Name

Yaha aap train ka name dekh payenge.

9. Train Journey Details

Train kaha se aayi hai or kaha Jane waliy hai or kitne baje pahochegi ye dekh sakte hai.

Kitne tariko se Reservation kar sakte hai

Aap tin tariko se Reservation kar sakte hai.

1. Offline station se
2. Online E- Ticket
3. Online I – Ticket

Offline to aapne station se tickets li hongi agar aap online railway ticket booking ke baarein me nahi jante hai to Online railway ticket kaise book Kare mera ye article jarur padhe Isme maine detail me samjane ki koshish ki hai.

I- Ticket aapke home address pe bheji jati hai iska aapko post charge lagta hai, is tarah ki ticket me aapko safar ke waqt koi I’d pruf rakhne ki jarurat nahi hoti hai or is ticket ko aap train jane se 3 ghante pahle book kar sakte hai.

E- Ticket me aap Kuch minutes pahle bhi reservation kar sakte hai. Train me travel karte waqt aapko I’d pruf rakhne ki jarurat hoti hai.

Agar aapka ticket confirm hai to thik hai par agar confirm nahi hai to in cheezo pe jarur dhyan de.

Waiting hote hue bhi Log Ticket kyu kharidte hai ?

Logo ko aasha rahti hai ki agar koi ticket cancel karta hai to seat milne ke chances hai or aesa kahi baar hota bhi hai. GNWL 8/ WL 5 iska matlab ye hai ki aapka 5 number ka waiting hai aapse pahle jin 5 passenger ne ticket book karwayi thi agar wo cancel Karte hai to aapko seat milegi.

Ticket book Karte waqt available 0060 najar aata hai matlab abhi 60 seats available hai matlab aapki seat confirm hai.

 

   

Agar aapne E- Ticket Book ki hogi or wo waiting me hogi so final chat prepare ho Jane ke baad bhi ticket confirm nahi hogi to krupiya us ticket ke sath train me safar na kare kyu ki ticket confirm na hone pe wo automatically cancelled ho jayegi or aapke paise aapke bank account me bhej diye jayenge. Is ticket ke sath safar Karte aapko TC ne dekha to Fine bharna padega.

WL – Waiting List Full information ( RLWL, PQWL, CKWL, GNWL, RSWL )

Waiting List me RLWL, PQWL, CKWL, GNWL, RSWL Kya hai, Ticket ko samje

Apni ticket confirm na hone ki tension to aapko hogi hi sath me waiting list ke Kuch English short forms aapka dimag kharab kar denge so aaiye unke baarein me detail me jaan lete hai.

RLWL – Remote Location Waiting List

Do bade stations ke bich koi station aesa hai, jaha se trains milna mushkil hai to us location ke yatri ko pahle seat di jayegi.
Waiting list jyda hote hue is tarah ki seat Milne ke chances jyda hote hai.

PQWL – Pooled Quota Waiting List

Chhote stations ko jarurat ke hisaab se quote me seat di jati hai. Aap un chhote station se Yatra karne waley hai or aapko PQWL likha hua aa rahe hai uska matlab ye hai ki aap is list me aate hai or PQWL ke sare tickets reserve ho chuke hai yani ab aap waiting me hai.

CKWL – Tatkal Waiting List

Aap quote me hai or aapki ticket waiting me hai to aapko Current quota waiting list me rakha jata hai. Aamtor par is tarah ki waiting list 10 tak ho Jane par confirm ho jati hai.

RQWL – Request Waiting List

Agar route me koi pooled quota nahi hai to is tarah ki waiting list ko bataya jata hai.

GNWL – General Waiting List

Ye Ticket tab di jati hai tab yatra parmbhik station ya uske aaspass ke station se ki jaye, Iska confirm hone ka chance sabse jyda hota hai.

RSWL – Roadside Station Waiting list

Sadak Kinare Station pratiksha suchi, iske confirm hone ke chances bahot Kam hai.

Sabhi Quote ke Names

Har train me kahi tarah ke reservation quote hote hai so aapko unka short form jarur jaan Lena chahiye.

LD : Ladies Quota

HQ : High official ya Headquarters Quota

OS : Out Station Quota

RS : Roadside Quota, bade bade stations ke bich ke aese stations Jo computerized network se na Jude ho tab unhe roadside Quote me rakh ke ticket reserve kiya jata hai, inme waiting list bhi hoti hai.

PH : Parliament House quota

FT : Foreign Tourist quota

DP : Duty Pass quota

HP : Handicap quota /  Physically Handicapped Quota

SS : Traveling Alone Female Quota ( Above 45 year / Senior Citizen Quota )

GN : General Quota
DF : Defence Quota
CK : Tatkal Quota

Railway Abbreviations Expansion

WL – Wait List
RAC – Reservation Against Cancellation
SL – Sleeper Class
3A – AC 3 Tier
3E – AC 3 Tier Economy
2S – Second Setting
FC – First Class
2A – AC 2-Tier sleeper

1A – First Class AC

Up or Down Trains ko samje

Jis station se train suru hoti hai or apne destination ki taraf jati hai use up train kahte hai. Wapsh aane ki yatra ko Down journey kaha jata hai. Yadi koi train Mumbai se Ahemdabad suru hue hai to use up train kahenge or jab wo train Ahemdabad se wapsh Mumbai aane ke liye saruaat karega to use down journey kaha jayega. Down train ka numbre up train se ek jyda hota hai jaise up train ka numbre 2035 hai to down ka 2036 hoga.


Apni Seat pahchane

Aapki ticket confirm ho gayi hai to seat ke alawa uski position jaan sakte hai hai. Agar aapki berth ke samne LB likha hua hai to iska matlab lower yani niche wali berth kahelayegi. Agar UB likha hai to upper wali berth or agar SU or SL likha hai to side upper or side Lower. Mostly railway Senior citizen ko LB dene kihi koshish karta hai.
Aap online reservation kar rahe hai to availability ke hisaab se seat Chun sakte hai.

Koi aesa Numbre hai jisse Tickets
Pareshani sambhandit baat kar sakte ?

Aap station pe hai to station master ko puch sakte hai or agar koi confusion hai to aap railway ki website http://www.indianrail.gov.in or http://www.nr.indianrailways.gov.in visit kar sakte hai.

Iske alawa aap 1800111139/1800111321/138 toll free number or help line numbre 01139340000 ( 24×7 ) pe contact kar sakte hai.

Security issues ke liye 182/1800111322 toll free number dial kar sakte hai, railway enquiry ke liye 139 dial kare.

 

Post Summary

I hope ki aapko ye article padh ke accha laga hoga. Agar koi problem ya confusion hoto comment karke puch sakte hai. Everyday site ke new articles ki jankari lene ke mere fb page ko like kare or e -mail subscribe kare, aapke email address pe verification mail aayega usme ek link hogi uspe click karke verity jarur kare.

Follow on social media.

3 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.