Network Marketing Business Me Success / Kamyab Hone ke Liye Kya Kare

2
523

 

   

 

Duniya me bahot sare log aese hai jo Network Marketing Business karke monthly ya fir daily lakho rupees earn kar rahe hai, ho sakta hai aap bhi MLM – Multi Level Marketing se bahot sare paise earn karne or big businessman banne ke liye mahenat kar rahe hai. Aesa bhi ho sakta hai ki aap network marketing kya hota hai uske baarein me nahi jante hai or agar jante hai to acchi baat hai, is article me mai MLM business me kaise success / kamyab ho sakte hai uske baarein me details me information dunga.

Aap already kisi marketing company me join ho chuke hai or dil se work kar rahe hai to best of luck is article ko padh ke aapki team bahot teji se increase hone wali hai, uske baad bas team ko handle karna hai.

Network Marketing – MLM  Business Kya hai – What is MLM in Hindi

Network marketing kya hai

Aapne market me apne aaspass dekha hi hoga kuch log team banane ka kaam karte hai wo bolenge ki itne ki team banani hai, itna investment hai or itna kaam ho jane ke baad tum bahot paise kama sakte ho, I think aap es baat se easily samaj gaye honge ki MLM Kya hai, MLM ek important business hai jise BBA / MBA me bhi sikhaya Jata hai.

MLM ek chain system hai, network marketing ek aesa business hai jisme koi insaan jud ke baki insaano ko join karwata hai uska use kuch commission milta hai, isi tarah team badhane par benefits jyda milte hai. Jaise big earning, freedom, rewards / awards, international trips.

Network Marketing Business Me Success Hone Ke Liye Kya Kare – How to Success In Network Marketing In Hindi

Network marketing business me kamyab kaise bane

Aapke pass acchi personality hai to MLM business me kamyab ban sakte ho, dosto business koi bhi ho saruaat me problem aati hi hai, agar aapke andar negativity aa chuki hai or aap soch rahe hai ki team kaise badhau? Meri team kaise bhadegi, kya Karu me? Karu ya na karu, mujse nahi hoga ? Team ko kaise handle Karu, daily meri team kam hoti ja rahi hai. aesa kya karu jisse meri team bahot acche se kaam karke dhamaka kare to guys don’t worry is article me in sari cheezo ka solution hai.

 

   

Baatein bahot ho gayi ab time aa gaya hai ki me aapko mlm success tips ke baarein me full information du, to chaliye der kish baat ki start karte hai.

How to succeed in Network Marketing In Hindi – Kamyab / Safal Kaise Bane

Below steps ko thik se samjne ke liye aap maan lijiye ki aapne abhi abhi koi marketing company join ki hai or ab aap usme apna business start karne waley hai, abhi team 0 hai. Ab jante hai Kamyab kaise hona hai.

1. Take complete / full information about Marketing Company – MLM Company Ke baarein me Puri Jankari Le

Jab koi insaan kisi marketing company me join karta hai to usko us company ke baarein me puri jankari nahi hoti hai. Log join hone ke baad hi apne dosto ko is business ke baarein me batana start kar dete hai kyu ki wo us time bahot hi overconfident hote hai, jab wo kisiko business ke baarein me batayenge to samne wala bahot question karega jaise company ka pura name kya hai, kaha se start hue / owner Kon hai, kya karna hai, paise kaise milenge, marketing plan samajao. Aese me marketing waley bande ko jyda information hogi nahi iski wajah se ek insaan jo company join kar sakta tha wo ab nahi karega.

Upper bataye reason ki wajah se company ke baarein me full information pahele lele, ho sakte to marketing business join karne ke 5 din ke andar puri jankari prapt kar le, kyu ki aapke aaspass rahene waley people’s ko ye pata chal jayega ki aap kahi pe ja rahe hai or fir wahi question konsi company me jate ho, kitna kamate ho, kaam karne ka tarika kya hai.

Jis tarah exam me pass hone ke liye har subject ke question ke answer ke baarein me pata hona chahiye usi tarah Success ke liye first theoretical knowledge hona jaruri hai. Aapne kahi suna bhi hoga ” Adhura Gyan bahot khatarnak hota hai “. company ke products, services, payment method, business plan, income har cheez ke baarein me aapko pata hona chahiye taki kisi insaan ke samne sharm ke maare ser na jukana pade.

2. Take help from the leader / Up line – Aapko Jisne join karwaya usse madad le

Jis dost ne aapko is business ke baarein me bataya tha uspe trust karke aapne join kiya, aapke pahele is business ko bahot log kar rahe hai so unko experience jyda hoga. Aap apne leaders se kuch acchi baatein sikhe, waise bhi up lines apni team ko motivational lines jarur kahete hai.

Leader aapko jo kuch bhi kahega wo aapke or uske dono ke fayde ke liye kahega so humesa apne up line ki baat jarur sune.

3. Go to Regular Training and Seminars – Daily Talim or seminars me jaye

Training Regular

Daily training or seminar attend  karne se aap Jo kar rahe hai us marketing business me successful kaise banna hai, kaise feedback dete hai, logo ko plan kaise samajaye, kaise questions ka solution kare iske related knowledge mil jayega.


Success hona hai to ye 8 baatein humesa yaad rakhe

Listening skills ko kaise improve kaise

Knowledge Milne ke baad aapke andar self-confidence badhega fir aap kisike bhi sath pure trust ke sath baat kar payenge or aapka mind bhi positive rahega.

4. Positive Mind – Sakaratmak Soch rakhe

Marketing business me join hone ke baad aapko kuch log bolenge ki yr ye business accha nahi hai, logo ko bevkuf banane ka kaam hai, chor hai. Aapko ye sab sunna pad sakta hai agar sach me aap business seriously le rahe hoto jo log aapko apne business related buri baatein kahe rahe hai unke liye bahere ban jaye, kuch log to aese bhi milenge jo is business ko karke chhod chuke hai, bolenge ki yr hum is business ko karke already apna time waste kar rahe ho koi dhang ka kaam karo. Ye baat bilkul Sahi hai ki aapse pahele kuch logo ne marketing kiya tha par ho sakta hai unhone mahenat na kiho, aapko pata hi hoga ki kisi bhi business me safal hone ke liye mahenat / struggle karna hi padta hai.

Man me ek baat soch le ki me ek din is business me success hoke rahunga or  in sare logo ko time ke sath answer dunga fir sare log mujse ye kahenge ki yr hume to pata hi tha ki tum life me kuch karoge, tum kabhi galat hohi nahi sakte.

Apne aap ko positive rakhne ke liye aap motivational books, movies or lines padh sakte hai. Maine khud ko positive kaise rakhte hai uske related top powerful articles likhe hai jinko link me niche add kar raha hu jinhe click karke jarur padhe 👇

Positive Attitude kaise banaye [ Full Information ]

Sakaratmak / positive kaise soche

Sakaratmak soch ki shakti kya hai

5. Wearing Professional Clothes & Shoes – Vyavsayik kapde or shoes pahene

Aap kisi best marketing company me business kar rahe hai to aapki personality bhi best dikhni chahiye, isiliye humesa formal kapde pahene. Jaise businessman pahnte hai fir aapko dekh ke log sochenge ki ye kuch accha karta hai fir aapke pass aake puchenge aap kya karte ho to bas ho jaiye khush bina invite kiye banda hajir hai bas ab usko ek short powerful line suna do, yaad rakhe jyda lambi baatein nahi batani hai fir usko bolo ki agar aap is business me interested hoto me aapko plan samja dunga. Usko ye feel karwaye ki aap busy rahete hai so usko plan 1-2 din me samjaye.

Samne waley ko aesa laga ki aap uske piche hi pade ho, dimag kha rahe ho to wo yahi sochega ki isme uska kuch na kuch fayda ho raha hai isiliye wo baar baar mujpe join hone ya business plan sunne ke liye pressure de raha hai. Apni smart personality banane ke liye niche diya hua article padhe.

Personality Development Kaise Kare best 10 tips

Dar ko kaise dur kare – Sirf 1 minute me

6. Invite friend to explain business plan for practice or experience – Apne kisi dost ko business plan samjane ke liye nimantran de fir good / bad Anubhav ke liye

Aapne business ke related knowledge to le liya ab baari hai practice or experience karne ki to apne ghar ya kisi or jagah jaha aawaj na ho waha apne friend ko pura business plan samjaye fir wo join hota hai ya nahi ye dekhe, is tarah apne 5 friends ko ek ek karke akele me apna marketing business samajaye fir unke question ka answer or unki problems ka solution bataye fit bhi unme se ek bhi person join na kare to dil chhota na kare. Apne kisi acche leader ke pass Jake bataye ki maine is tarah plan samjaye par kisine join nahi kiya, kya aap bata sakte hai maine kya galti ki me konsi cheez apne aap me improve Karu.

 

   

Aap chaho to ek do baar apne leader ko bhi bol sakte hai ki aap mere ghar aa jao ek dost ko plan samjana hai fir usse sikhne ke baad khud bhi kar sakte ho.

7. Feedback – Pratikriya

Aapke ya aapka leader plan samjaye uske baad samne waley ko company ke sambhandit kuch sawal ho sakte hai jinhe aapko clear karna hai, sath me documents, income proof, pen, seminar videos, books etc le jaiye. aap aesi marketing company me work karte hai jisko join karne ke liye kuch money deni pade to sabse pahele ye pata kare ki paise kon dene wala hai matlab maan lijiye aapne kisi ladke ko invite kiya to pahele aapko us boy ke questions ko clear karna hoga wo maan jaye uske baad paise to family degi so uske mom – dad ko bhi ghar jake pura plan samjana pad sakta hai.

Aap apne leader ke sath feedback me ja sakte hai.  aap 5-7 feedback me leader ke sath Jane ke baad khud karenge to better rahega. Ho sakta hai feedback dene ke baad aapka dost join na kare to aapko dukh ho isiliye niche bataye 2 article bhi padhe.

Tension Free zindagi kaise jiye

Khush rahena hai to ye 3 important baatein yaad rakhe

8. How to do team handle – Team ko kaise sambhale

Team banane me aapko bahot mahenat lagi hogi par agar usko thik se na sambhala to ek din me sare log kaam karna chhod sakte hai, isiliye niche batayi kuch baatein yaad rakhe.

• Apni team ke kisi bhi member par gussa na kare, agar samne waley ki galti hue hai to use ye sikhaye ki us galti ko kaise sudharne hai.

• Aap feedback me ja rahe hai to apne team ke 2 member ko sath le jaye, bike leke ja rahe hai to petrol ka khrch unse male or rashtey me unko khana khilaye.


Success hone ke liye 12 jabarjast tips

Meditation / Dhyan kaise kare [ Full Information ]

• Sabhi Team members ko motivational stories / lines batate rahiye jisse wo positive rahe, his tarah mobile ko charge karna padta hai usi tarah team members ko bhi charge karna padta hai agar na kiya to battery low ho jayegi.

•  Aapki team dheere dheere badhne lage tab article me upper bataye 1 to 7 steps unko follow karne ke liye bole.

• Team increase hone ka matlab ye nahi hai ki aap khud invite karna chhod de agar aesa kiya to aapke team members bhi 5-6 logo ki team bana ke invite karna chhod denge or dusre logo par invites ke liye pressure dalenge.

Free time me market me ghumne jaye or aap anjan logo ko bhi invite kar sakte hai.

• New member join hua hai uske niche khud invite karke logo ko daale matlab uski team aap bana ke de jab uski bina mahenat team ban jayegi or uske paise aa jayenge to wo ye sochega ki ab me mahenat karke or kaise kamana chahta hu. Aap bhi usko bol sakte hai ki tumhare paise aa gaye agar mahenat karoge to lakho kama sakte ho, team ko motivate karna aapke hath me hai.

• Aapka team member aapko kabhi bhi bulaye to uske pass jaye or uski madad kare.

• Team members ko name leke or aap kahe ke bulaye unme se koi aapka dost hai fir bhi, sabke samne to aap hi bulana hai jab bahar Jao tab tu tum kar sakte ho.

• Khud bhi dream set / goal setting kare or apni team ko bhi karne ke baarein me bolo, goal setting ke baarein me already do articles likh chuka hu jiski link niche add ki gayi hai.

Smart goal setting kaise kare

Goal setting karne ke 11 wonderful benefits

Ye sab cheezo ko  follow karoge to aapke team members ko ye feel hoga ki aap unki bahot chinta / care karte hai, unke baarein me sochte hai or kisi bhi halat me unka sath dete hai, wo aapki respect karenge.

That’s it, to guys agar aap network marketing me safal hona chahte hai to aapko in 8 powerful steps ko follow karna hoga. Aapki team hai to is article ko apni team ke sath jarur share kare taki unko bhi acchi jankari mil paye kyu ki unke fayde mehi aapka fayda hai.

” Are haarte to wo hai jo sikhne ke liye business nahi karte, abhi sirf ye socho ki me sikh raha hu or jis din sikh gaya us din mujhe success hone se duniya ki koi bhi cheez nahi rok payegi, yeah…Boooooom.!! ”

Dost aap zindagi me safal ho uske liye hum dil se Dua karte hai or aapke liye or bhi aese useful articles likhte rahenge, I hope ki aapko network marketing business me success kaise hote hai ye jankari jaan ke accha laga hoga, agar koi pareshani hoto comment karke jarur puche.

2 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.